Gizarte ekonomiaren esparruan ari diren hiru enpresak osatzen dute Ametzagaiña: Adur Software Productions Sdad. Coop., Komunikazio Biziagoa S.A.L., eta Antza S.A.L.

Sorburuko helburuak hauek dira: enpresa bakoitzaren berezko jarduera garatzeko lankidetza, Teknologia berrien Ikerketa eta Garapena, eta proiektu berrien gauzatzea, dauden sinergiak horretarako baliatuta.

Ametzagaiña 1997az geroztik da Agente Teknologikoa, eta Tekonologiaren Euskal Sarean integratuta dago, I+G Enpresa Unitate bezala. Elkartutako hiru enpresen ikerketa eta garapen beharrizanak betetzen ditu, euren lehiakortasunari eutsi eta indartu ahal izateko ezinbestekoa zaien maila teknologikoa lortu ahal izan dezaten.